របៀបធ្វើបាយដំណើបសង់ខ្យាទុរេន

READ MORE

នំរោយ ឬនំសសៃមាស

READ MORE

វិធីធ្វើគុយទាវទូក

គ្រឿងផ្សំ
សាច់គោហាន់ជាចំនិតស្ដើង ឆ្អឹងស៊ុបគោ ប្រហិតសាច់គោ ឈាមគោស្រស់ (យើងអាចធ្វើជាសាច់ជ្រូកក៏បានដោយផ្ដូរ ជាសាច់ជ្រូកចំនិត ឆ្អឹងស៊ុបជ្រូក ប្រហិតសាច់ជ្រូកក៏បានប្រហិតសាច់គោក៏បាន និងឈាមជ្រូកស្រស់)
ត្រកួន សណ្ដែកបណ្ដុះ ទឹកត្រី ស្ករស អំបិល ប៊ីចេង ម្រេចគ្រាប់ ថ្នាំចិន ទឹកស៊ីអីវ
មើមខ្ញីបន្តិច និងដើមឃិនឆាយមួយដុំ គុយទាវសរសៃតូច ខ្ទឹមលីងនិងស្លឹកខ្ទឹម។
វិធីធ្វើ
យើងត្រូវដាំទឹកឲ្យពុះរួចដាក់ឆ្អឹងស៊ុបរង្ងាស់ ជាមួយទឹកត្រី ស្ករស អំបិល ប៊ីចេង ម្រេចគ្រាប់ ថ្នាំចិន ទឹកស៊ីអីវមើមខ្ញី និងដើមឃិនឆាយទាល់តែឆ្អិនចេញជាតិល្អ។ បន្ទាប់មកយើងត្រូវដាំទឹកមួយឆ្នាំងទៀតដើម្បីស្រុះគុយទាវ ត្រកួន និងសណ្ដែកបណ្ដុះឲ្យទន់រួចហើយដាក់ចាន យើងយកកន្ត្រងគុយទាវមកធ្វើការស្រុះសាច់គោនិងប្រហិត ប៉ុន្តែកុំឲ្យឆ្អិនពេក រួចហើយដាក់ពីលើចានដែលដាក់គុយទាវ។ ចុងក្រោយយើងត្រូវយកវែកសំលរ ហើយចាក់ឈាមគោស្រស់ចូលក្នុងវែកបន្តិចបន្ទាប់មកយកវែកដែលដាក់ឈាមនោះលាយជាមួយទឹកស៊ុបដែលយើងបានដាំនោះ(តែមិនមែនចាក់ទៅក្នុងឆ្នាំងស៊ុបនោះទេ)យើងត្រូវកាន់វែកនោះដាក់លើទឹកស៊ុបដែលក្ដៅរួចយកស្លាបព្រាកូរទាល់តែទឹកស៊ុបនោះឡើងក្រម៉ៅនោះមានន័យថាស៊ុបឈាមនោះឆ្អិនហើយចាក់ចូលទៅក្នុងចានគុយទាវ ជាចុងក្រោយរោយខ្ទីមលីង និងស្លឹកខ្ទឹមពីលើជាការស្រេច។

READ MORE

ឆាមីកាតាំង

+ គ្រឿងផ្សំ សាច់គោ ឬសាច់ជ្រូក (ហាន់ជាបន្ទះស្ដើងៗ) ឬលាយគ្រឿងសមុទ្រតាមចំនូលចិត្ត ដើមខាត់ណា មីកាតាំង ឬគេហៅថាបាញ់កាញ់យកអាទន់ ប្រេងឆា ខ្ទឹមស ម្រេច ប្រេងខ្យង ទឹកត្រី ទឹកស៊ីអីវ អំបិល ប៊ីចេង ស្ករស ខ្ទឹមសចិញ្ចាំ ម្សៅស៊ុបមាន់ ម្សៅឆា និង ពងទា។
+ វិធីធ្វើ មុនដំបូងត្រូវសកខាត់ណាលាងទឹករួចហាន់ជារបៀបឆា បន្ទាបយកឆ្នាំង ឬខ្ទះដាំទឹកបន្តិចដើម្បីធ្វើការស្រុះរយៈពេល៣០វិនាទី ក្នុងទឹកដែលស្រុះខាត់ណាត្រូវបន្ថែមអំបិលនិងប្រេងឆាបន្តិចដើម្បីរក្សា
ពណ៍ឲ្យនៅបានស្អាត បន្ទាប់ពីស្រុះរួចយើងចាក់ចូលក្នុងចញ្ចែងលាង
ជាមួយទឹកធម្មតាទុកមួយឡែក។ ចំពោះសាច់យើងត្រូវធ្វើការប្រឡាក់ជាមួយគ្រឿងទេសមានដូច ស្ករស អំបិិល ប៊ីចេង ម្សៅស៊ុបមាន់ ប្រេងខ្យង ទឹកត្រី ទឹកស៊ីអីវ និងម្រេចរួចធ្វើការច្របល់ឲ្យសប់ទុកមួយឡែក។ ចំនែកមីកាតាំងយើងត្រូវប្រលេសវាកុំឲ្យនៅជាប់គ្នារួចធ្វើការប្រឡាក់ជាមួយប្រេងខ្យងរួចទុកមួយឡែក។
វិធីឆា យកខ្ទះដាក់ប្រេងឆាចូលទុកឲ្យក្ដៅបន្ទាប់មកដាក់ខ្ទឹមសចូលលីងឲ្យឈ្ងុយ
រួចដាក់សាច់ដែលបានប្រលាក់គ្រឿងឆាឲ្យឆ្អិនបន្ទាប់មកដាក់ខាត់ណា
ដែលបានស្រុះរួចឆាជាមួយគ្នា បន្ទាប់មកទៀតចាក់ទឹកលាយជាមួយ
ម្សៅឆាដើម្បីឲ្យវាឡើងខាប់ពេលដែលដែលឆាពុះភ្លក់មើលរសជាតិតាម
ចំនូលចិត្ត រួចបន្ថែមពងទាកូរវាឲ្យសប់ ចុងក្រោយដាក់មីដែលយើងបាន
ប្រឡាក់ជាមួយប្រេងខ្យង រួចធ្វើការឆាឲ្យសប់ម្ដងទៀតជាកាស្រេច។

READ MORE

វិធីធ្វើសាំងវិចសាច់ត្រីធូណា

គ្រឿងផ្សំ÷ សាច់ត្រីធូណាកំប៉ុង (រកបានតាមផ្សារទំនើប) ប៉េងបោះ ខ្ទឹមបារាំង សាឡាត់ នំប័ុងជ្រុង ពងមាន់ស្ងោរ ម្រេច អំបិល និងម៉ាយូណេស។
វិធីធ្វើ÷ ដំបូងយកត្រីធូណាកំប៉ុងគាស់ដោយយកកន្ត្រងច្រោះយកទឹក
ចេញ ហើយយកស្លាបព្រាសង្កត់ឲ្យអស់ទឹករួចដាក់ក្នុងចានក្រឡូមមួយ បន្ទាប់មកយកពងទាដែលបានស្ងោរួចបកសំបកឲ្យបានស្អាតដាក់ក្នុងចាន
ជាមួយត្រីធូណា(សាច់ត្រីមួយកំប៉ុងប្រើតែពង១បានហើយ) ដោយបន្ថែម
អំបិលបន្តិច ម្រេចបន្តិច ម៉ាយូណេស (ត្រីមួយកំប៉ុងម៉ាយូណេស១ ស្លាបព្រាបាយ)រួចធ្វើការច្របល់ត្រីនិងពងមាន់ឲ្យបានបែកហើយសប់ល្អរួចទុកមួយឡែក។ បន្ទាប់មកយកបន្លែមកលាងសំអាតឲ្យបានស្អាត ប៉េងប៉ោះ និងខ្ទឹមបារាំងត្រូវហាន់ជាបន្ទះស្ដើងល្មម ។សាឡាត់ត្រូវបេះជាសន្លឹកទុកមួយឡែក។ បន្ទាប់មកទៀត យកខ្ទះបើកភ្លើងរៀងក្ដៅល្មម ដាក់កំដៅនំប័ុងឲ្យរាងក្រហម ដើម្បីឲ្យស្រួយឆ្ងាញ់ ។ចុងក្រោយយើងត្រូវធ្វើការរៀបសាំងវិច ដោយយកសាច់ត្រីដែលបានរៀបចំរួចមកបៀកជាមួយនំប័ុង រួចបន្ថែមជាមួយសាឡាត់ ប៉េងបោះ ខ្ទឹមបារាំង ហើយយកនំប័ុងមួយចំនិតទៀតដាក់គ្របពីលើជាការស្រេច ។ អ្នកអាចធ្វើញាំបានជាអាហាពេលព្រឹក ឬក៍ដំណើរកំសាន្ត ដោយចំនាយពេលវេលាតិចតួចបំផុត។

READ MORE

វិធីធ្វើភេសជ្ជៈអំពិលទំុ

គ្រឿងផ្សំមានដូចជា អំពិលទំុ(យកអំពិលដែលគេប្រឡេះគ្រាប់រួច) ម្នាស់ហាន់ជាល្អិត ទំពាំងបាយជូក្រៀម គ្រាប់ស្វាយចន្ទី ស្ករស ឬទឹកឃ្មុំ ល្ងស អំបិលបន្តិច នឹងទឹកធម្មតា។
វិធីធ្វើ ដំបូងត្រូវយកឆ្នាំងដាក់ទឹក ដាក់អំពិលទុំ ចូលគ្នាក្នុងបរិមាណសមល្មម រួចហើយដាក់ស្ករសឬទឹកឃ្មំ (ដាក់ទៅតាមកំរិតជាតិជូររបស់អំពិល ប៉ុន្តែមិនដល់ ថ្នាក់លុបជាតិជូរអំពិលទាំងស្រុងទេ ព្រោះភេសជ្ជៈនេះត្រូវការរសជាតិជូរអែម)កូរឲ្យសប់រួចរំងាស់រយៈពេល១៥នាទីរហូតដល់ឡើងខាប់។ ក្រោយ១៥នាទីយើងត្រូវដាក់គ្រឿងផ្សំដែលមិនបានដាក់ខាងលើចូល បើសិនជាខាប់ពេកយើងអាចបន្ថែមទឹកបន្តិចទៀតចូលរួចរង្ងាស់រយៈពេល១៥នាទីទៀតជាការស្រេច ។ ចុងក្រោយយើងអាចរោយល្ងសបន្តិចពីលើ រួចទុកឲ្យត្រជាក់ ហើយដាក់ច្រកក្នុងក្រឡកែវ។ អ្នកអាចរក្សាទុកក្នុងទូរទឹកកក ពេលដែលយើងទទួលទាន យើងអាចបន្ថែមសណ្ដែកដីលីង ទឹកកក នឹងទឹកធម្មតាបន្ថិចដើម្បីឲ្យវារាវ។

READ MORE

របៀបធ្វើនំហិលបែបកូរ៉េតុកប៉ុកគី

គ្រឿងផ្សំមានដូចជា នំអង្ករកូរ៉េ ម្ទេសម៉ត់ red pepper paste (គ្រឿងផ្សំទាំង៣មុខនេះអាចរកទិញបាននៅផ្សារទំនើបអ៊ីអន ឬតាមម៉ាតកូរ៉េ) ស្ករសរ ប្រហិត (អាចដាក់តាមប្រភេទយើងចូលចិត្ត) ពងមាន់ស្ងោ ស្លឹកខ្ទឹម និងទឹកធម្មតា ឬទឹកស៊ុប។
វិធីធ្វើ ដំបូងយកខ្ទះដាក់ទឹកល្មមតាមបរិមាណនំ ដាក់នំចូល បន្ទាប់មកទៀតយកកូនចានដាក់red pepper paste លាយជាមួយម្ទេសម៉ត និឹងស្ករសរ កូរចូលគ្នាឲ្យសប់ (ដាក់តាមនំតិចនំច្រើន បើនំ១៥ទៅ២០ដុំ ដាក់ red pepper paste 1ស្លាបព្រាកន្លះ ដាក់ម្ទេសម៉ត់១ស្លាបព្រាបាយ ស្ករសរ១ស្លាបព្រាបាយ) រួចចាក់ចូលទៅក្នុងខ្ទះហើយបើកភ្លើងដាំឲ្យពុះ ពេលដែលនំពុះយើងអាចបន្ថែមប្រហិត និងពងទាស្ងោរចូល យើងអាចភ្លក់បន្ថែមរសជាតិតាមការ
ចូលចិត្តរបស់យើង រួចរង្ងាស់ទាល់តែខាប់ទឹកជាការស្រេច ។ពេលដែលដួសដាក់ចានយើងអាចរោយស្លឹកខ្ទឹមជាការលំអរ។

READ MORE